Koronavirus vaksinasi muvaffaqiyatli ishlab chiqarilgan taqdirda COVAX–mexanizmida ishtirok etgan davlat hukumatlari qatorida O‘zbekiston ham 20 foiz aholini emlash uchun yetarli miqdorda vaksina shartnomasiga ega bo‘ladi. Bu haqda Koronavirusga qarshi kurash shtabi a’zosi Barno Abdusamatova ma’lum qildi.
COVID-19 pandemiyasiga global yondashish maqsadida Jahon sog‘liqni saqlash tashkiloti, GAVI (Vaksina va immunizatsizatsiya bo‘yicha global alyans), shuningdek, CEPI (Epidemiyaga tayyorgarlikni ta’minlash sohasidagi innovatsiyalar Koalitsiya) barcha mamlakat hukumatlarini COVAX ta’siri - COVID-19 ga qarshi vaksina ma’lumotlarini hamma ko‘rishini ta’minlash mexanizmi bo‘yicha maslahatlashuvda ishtirok etish uchun taklif qilingan.Shtab a’zosi, bir necha vaksina kompaniyalari klinik tajribalarning final, ya’ni uchinchi bosqichida ekanligi, O‘zbekistonga Xitoyda ishlab chiqarilgan uchta vaksinaning uchinchi bosqich klinik sinovini hamkorlikda o‘tkazish bo‘yicha takliflar kelib tushganligini ham bildirgan.Barno Abdusamatova, Koronavirusga qarshi kurash shtabi a’zosi
Vaksinani yetkazish, ko‘ngillilarning tibbiy va laboratoriyaviy tekshiruvi, shuningdek, tadqiqot bilan bog‘liq boshqa xarajatlar ishlab chiqaruvchi kompaniyalar tomonidan qoplanadi.
Eslatib o‘tamiz, iyul oyining oxirida O‘zbekistonning Xitoydagi elchisi Baxtiyor Saidov va Sinopharm Group kompaniyasi rahbari Lyu Szinchjen bilan bo‘lib o‘tgan uchrashuvda klinik sinovlarning uchinchi fazasini O‘zbekistonda o‘tkazish masalasi ko‘tarilgan. Sinopharm Group tarkibidan Xitoy milliy biotexnika guruhi o‘rin olgan.
Mavzuga doir:
- “O‘zbekiston hech qachon bu yo‘lni tanlamaydi” — ommaviy immunitet haqida Koronavirusga qarshi kurash shtabi a’zosi izoh berdi
- O‘zbekiston koronavirusga qarshi emlash dasturiga qo‘shildi
- Xitoy COVID-19 vaksinasi sinovini O‘zbekistonda o‘tkazishni taklif qildi
- Shavkat Mirziyoyev Alisher Usmonovning yordami haqida: “Koronavirusga qarshi qayerda yangi dori topilsa, pulini to‘lab olib kelib beraman, dedi”
Izoh (0)