Ўзбекистон ҳукумати томонидан 2020—2021 йиллар учун инқироздан кейинги даврда иқтисодиётни тиклаш бўйича кенг кўламли дастур қабул қилинди. Бу ҳақда Иқтисодий тадқиқотлар ва ислоҳотлар марказининг жамоатчилик билан алоқалар хизмати хабар берди.
Мазкур дастур коронавирус пандемиясининг Ўзбекистоннинг ижтимоий-иқтисодий ривожланишига салбий таъсирини бартараф этиш, хўжалик юритувчи субъектларнинг инвестиция ва ташқи иқтисодий фаолиятини тиклаш ҳамда иқтисодий ислоҳотларни янада чуқурлаштириш учун шароит яратиш мақсадида тасдиқланган.
Амалий ҳаракатлар режаси икки босқичда амалга оширилади:
Биринчи босқич — 2020 йил охирига қадар — барқарорлаштириш ва тикланган ўсиш. Юқорида айтиб ўтилган ва таклиф қилинган чора-тадбирларнинг тўлиқ бажарилиши билан 2020 йилга мўлжалланган кўрсаткичлар қуйидагича баҳоланади:
Ялпи ички маҳсулотнинг ўсиши — 102,2 фоиз (дастлабки прогноз 105,5 фоиз),
- саноат — 103,4 фоиз (106,5 фоиз),
- қишлоқ хўжалиги — 103,3 фоиз (106,5 фоиз),
- инвестициялар — 101,2 фоиз (109,3 фоиз);
- хизматлар - 100,1 фоиз (105,8 фоиз),
- чакана савдо айланмаси, умумий овқатланиш билан бирга — 103 фоиз (105,6 фоиз);
- экспорт — 94,3 фоиз (115,6 фоиз).
Иккинчи босқич — 2021 йилдан бошлаб 5,0-5,5 фоиз барқарор иқтисодий ўсиш суръатларини таъминлайдиган, 2020—2021 йиллар давомида коронавирус пандемиясининг оқибатларини мослаштириш билан тизимли ислоҳотларни давом эттиришга қаратилган чоралар.
Шу билан бирга, ташқи таъсирнинг давомийлиги ва пандемиянинг иқтисодиётнинг айрим тармоқлари ва секторларига (туризм, транспорт, экспорт) таъсирини ҳисобга олган ҳолда, уларнинг инқирозгача бўлган тенденцияларига чиқиш 2021 йилдан ўтиши мумкин.
«Шу билан бирга, ташқи таъсирнинг давомийлиги ва пандемиянинг иқтисодиётнинг айрим тармоқлари ва секторларига (туризм, транспорт, экспорт) таъсирини ҳисобга олган ҳолда, уларнинг инқирозгача бўлган тенденцияларига чиқиш 2021 йилдан ўтиши мумкин», — дейилади хабарда.
Макроиқтисодий сиёсат ва бозор институтларини ислоҳ қилиш соҳасидаги асосий чора-тадбирлари сифатида қуйидагилар амалга оширилади:
- ташқи қарзнинг ўсишини чеклаш;
- ташқи қарзлардан самарали фойдаланиш;
- техник-иқтисодий асослаш босқичида лойиҳа танлаш мезонларини такомиллаштириш орқали давлат инвестиция харажатларини оптималлаштириш;
- солиқ ва божхона имтиёзларини оптималлаштириш бўйича ишларни якунлаш.
Аввалроқ МДҲ давлатлари орасида 2020 йилнинг биринчи ярмида энг юқори инфляция Ўзбекистонда қайд этилгани тўғрисида хабар берилганди.
Изоҳ (0)