Бутун дунёда коронавирус билан касалланганлар сони 26 миллион кишидан ошди. Бу ҳақда касаллик тарқалишини реал вақтда кузатиб келаётган Жонс Ҳопкинс университети маълумотларида келтирилган.
Бир ой ичида дунёда коронавирус билан касалланганлар сони 8 миллион кишидан ошган: 3 август куни 18 миллион кишида COVID-19 аниқланган эди. Ўтган ой давомида ҳар 3—5 кунда миллион киши касалликка чалинган.
Коронавирусга чалинганларнинг аксарияти АҚШда қайд этилган — 6,1 миллион. Унинг ортидан Бразилия (3,9 миллион) ва Ҳиндистон (3,8 миллион) ўрин олган. Россия 1 миллион касал билан 4-ўринда кетмоқда.
Коронавирус билан касалланиш энг кўп қайд этилган давлатлар кетма-кетлиги қуйидагича:
- Перу — 657 минг;
- Колумбия — 633 минг;
- ЖАР — 630 минг;
- Мексика — 610,9 минг;
- Испания — 479,5 минг;
- Аргентина — 439 минг.
Мавзуга доир: АҚШ мамлакатда пандемия туфайли юзага келган тушкунлик ва умидсизликка барҳам бериш учун 250 млн доллар сарфлашга қарор қилди
Изоҳ (0)