Тошкент–Токио–Тошкент йўналишида 24–25 сентябрь кунлари чартер репатриация рейси амалга оширилади. Бу ҳақда Ўзбекистон Транспорт вазирлиги ахборот хизмати хабар берди.
Маълум қилинишича, Республика махсус комиссияси томонидан тасдиқланган парвозлар жадвалига мувофиқ бир ой мобайнида амалга оширилиши белгиланган чартер репатриация рейслари жадвалига қўшимча киритилди.
Унга кўра Япониядаги Ўзбекистон фуқароларини ватанга олиб келиш мақсадида 2020 йилнинг 24–25 сентябрь кунлари Uzbekistan Airways авиакомпанияси Тошкент–Токио–Тошкент йўналишида парвозни амалга оширади.
Аввалроқ Европадаги ўзбекистонликлар Франкфурт—Тошкент йўналишидаги чартер рейс билан олиб келингани хабар қилинган эди.
Изоҳ (0)