Ўзбекистонда 2020 йилнинг августида истеъмол нархлари ва тарифлари даражаси ой давомида ўртача 0,5 фоизга кўтарилган. Бу ҳақда Давлат статистика қўмитаси хабар қилди.
Мева ва сабзавот нархларининг ўзгаришини ҳисобга олмаганда, ушбу кўрсаткич даражаси 0,8 фоизни ташкил этган. Истеъмол бозоридаги нархлар ва тарифлар 2020 йилнинг январь—август ойлари давомида ўртача 4,8 фоизга кўтарилган.
Йиллик даврда (2019 йилнинг августига нисбатан) товарлар ва хизматлар нархларининг ўртача ўсиш суръати 11,7 фоизни ташкил этган. Товарлар ва хизматлар нархлари 2019 йилнинг августида ой давомида ўртача 2,9 фоизга кўтарилган. Мева ва сабзавот нархларининг ўзгаришини ҳисобга олмаганда, ушбу кўрсаткич даражаси 3,2 фоизни ташкил этган.
Товарлар ва хизматлар 2019 йилнинг январь—август ойларида ўртача 8,2 фоизга қимматлашган. 2018 йилнинг августига нисбатан 2019 йилнинг август ойида товарлар ва хизматлар нархлари ўртача 16,5 фоизга ошган.
Нархлар индексининг ўртача ойлик ўсиш суръатини ҳисоблаш натижаларига кўра, 2020 йилнинг январь—август ойлари давомида 0,6 фоизни, 2019 йилнинг шу даврида эса 1,0 фоизни ташкил этган.
Изоҳ (0)