Ҳиндистон иқтисодиёти 2020 йилнинг апрель—июнь ойларида 2019 йилнинг шу даврига нисбатан 23,9 фоизга пасайди. Бу ҳақда «Korrespondent.net» хабар берди.
Маълум қилинишича, қурилиш соҳасида иқтисодий фаоллик 50.3 фоизга пасайган, пасайиш меҳмонхона ва транспорт соҳаларида пасайиш 47 фоизни ташкил қилган, ишлаб чиқаришда эса 39,3 фоизлик пасайиш кузатилган. Ўсиш фақат қишлоқ хўжалигида кузатилган бўлиб, 3,4 фоизни ташкил этган.
Таҳлилчилар иккинчи чоракда Ҳиндистон ялпи ички маҳсулотининг 18,3 фоизга қисқаришини кутган. 2020 йилнинг январь—март ойларида Ҳиндистон ялпи ички маҳсулоти 3,1 фоизга ўсган.
Ҳиндистон иқтисодиётида сўнгги марта йиллик пасайиш 1980 йилда қайд этилган ва 5,2 фоизни ташкил қилган.
Ҳиндистон коронавирус инфекциясидан энг кўп зарар кўрган мамлакатлар учталигига киради.
Аввалроқ Канада иқтисодиётида иккинчи чоракда 38,7 фоиз пасайиш кузатилгани ҳақида хабар берилганди. Шунингдек, коронавирус пандемияси Европа иқтисодиётини 10-20 йил ортга сургани маълум қилинди. Туркияда 2020 йилнинг иккинчи чорагида ялпи ички маҳсулот 9,9 фоизга пасайган.
Изоҳ (0)