Лимон — нафақат танага, балки соч, тирноқ ва терига ҳам ижобий таъсир кўрсатадиган энг фойдали цитрус мевалардан биридир. Лимон шарбати ёрдамида юздаги доғлар ва сепкилларга ҳам қарши курашиш мумкин. Самадорлиги исботланган қуйидаги учта рецептнинг барчаси лимон шарбати асосида тайёрланади.
Классик рецепт
Тайёрланиш усули жуда осон. Яримта лимоннинг шарбатига пахта ботирилиб, юзга суртилади ва 10 дақиқадан сўнг ювилади. Бироздан сўнг юзнинг муаммоли жойлари лимон бўлаги ёрдамида артилади ва яна 10 дақиқадан сўнг илиқ сув билан ювилади. Ушбу жараённи кунига бир маротаба амалга ошириш тавсия этилади.
Лимон ва асал
1 ош қошиқ янги сиқилган лимон шарбатига 2 ош қошиқ тоза асал аралаштирилади. Тайёр бўлган ниқоб юзга суртилади ва 30 дақиқадан сўнг совуқ сув билан ювилади. Ушбу ниқоб ҳар қандай турдаги тери эгалари учун мос келади. Шунингдек, аралашмани нафақат юзга, балки тананинг бошқа қисмларида ҳам қўллаш мумкин. Яхши натижага эришмочи бўлганлар ниқобни ҳафтада уч марта такрорлаши керак.
Лимон, асал ва зайтун ёғи
Идишда ярим ош қошиқ лимон шарбати, худди шунча асал ва зайтун ёғи аралаштирилади. Тайёр бўлган ниқоб юзнинг муаммоли қисмига суртилади ва ярим соатдан сўнг илиқ сув билан ювилади. Ниқоб ҳафтасига уч маротаба қўлланса, албатта, самара беради.
Изоҳ (0)