Беларусда нима гап? 28 августнинг асосий воқеалари

Беларусда 9 августдан буён давом этаётган тинч намойишларнинг 28 август куни бўлиб ўтган энг асосий воқеалари билан қуйида таништирамиз.

Беларусдаги намойишларга бирдамлик белгиси сифатида дунёнинг турли бурчакларидаги беларуслар ҳам ўзлари яшаб турган жойларида бирдамлик акцияларини ўтказди.

Шунингдек, бир неча кундан буён Беларусь Фанлар академияси ходимлари ҳам норозилик намойишларида иштирок этмоқда. Бугун ҳам уларнинг айримлари кўчага чиқди.

Минскдаги Купаловский театри ходимлари норозилик намойишларида қатнашгани учун ишдан бўшатилган эди. Улар эса бунга жавобан ҳар куни театр биноси олдида ҳар куни 12:00 дан 12:40 гача турли томошаларни кўрсатмоқда. Одамлар эса уларни қўллаб-қувватлаш мақсадида театр ёнига келди.

Бугун ҳам актёрлар театр биноси олдида навбатдаги томошаларини қўйди.

Шунингдек, бугун Беларусь мухолифати лидери Светлана Тихановская яқинлашиб келаётган Билимлар куни муносабати билан мамлакатдаги ўқитувчиларга табрик йўллади.

У Италиянинг Sky TG24 нашрига берган интервьюсида Беларусда бўлаётган воқеалар мамлакатнинг ички иши эканини, қолганларни унинг суверенитетитни ҳурмат қилиши лозимлигни таъкидлади.

Шунингдек, расмий ҳукумат билан мулоқот учун Россия ёрдами керак бўлишини ҳам қўшимча қилди у.

Биз биламизки, Россия, бошқа мамлакатларда бўлгани каби, бизнинг мамлакатимизда ҳам муайян рол ўйнайди, аммо биз ўз суверенитетимизни ҳурмат қилишини сўраймиз. Беларусда юз бераётган ҳодисалар унинг ички иши бўлиб қолиши керак. Агар бир кун келиб биз расмийлар билан музокара қилиш учун ташқи воситачиларга муҳтож бўлсак, Россиянинг ёрдами ҳам мамнуният билан қабул қилинади.

Светлана Тихановская

Бугун эса Беларусь президенти АЛександр Лукашенко мамлакат ғарбида таранглик юзага келадиган бўлса, Минск Москва билан ҳамкорликда ҳарбий амалиётларга кириши мумкинлигини айтиб ўтди.

Бизда келишув бор. Унга айтяпман, нима қилишни ўйлаб кўрайлик. У айтяпти: биз уларнинг нима хоҳлаётганларини биламиз. Путин ҳам бундай вазиятларнинг бир нечтасидан ўтган. Чечен уруши. У чегарада нима бўлаётганини билади. Биз у билан келишиб олдик ва бирга бу муаммони ечамиз.

Александр Лукашенко

Лукашенко Путиннинг Беларусь учун тайёрланган гуруҳ ҳақидаги сўзларига ҳам эътибор қаратди.

«Кеча бизнинг қўшнимиз ва менинг яхши дўстимнинг гапларини эшитдингиз. Бу руслар Беларусни ҳимоя қилмоқчи бўлгани учун эмас. Эшитинг, биз ўзимизни ўзимиз ҳимоя қиламиз. Аммо Россия президенти ва мен бўлинсак нима бўлишини биламиз», – деди Лукашенко.

Унинг фикрича, Ғарб учун Беларусь Россия йўлидаги трамплин вазифасини ўтайди.

Бугун Минскда Александр Лукашенко фойдасига велоюриш амалга оширилди. Унда юқори мартабали расмийлар ҳам иштирок этди.

Кечга яқин Минскдаги Мустақиллик майдонида жойлашган Қизил черков биноси олдида аёлларнинг навбатдаги бирдамлик занжири ҳосил қилинди. Бундай занжирлар кеча ҳам ўтказилганди. Бунга сабаб эса бир кун олдин Беларусь куч ишлатар тизимларининг черков эшикларини ёпиб қўйиши бўлди.

Беларусда намойишлар давом этмоқда.