Япония бош вазири Синдзо Абэ истеъфога чиқиши тўғрисидаги қарорини маълум қилди. У бу ҳақда ҳукмрон «Комейто» партияси лидери Нацуо Ямагутини хабардор қилган, деб ёзади «РИА Новости».
Аввалроқ Киодо ахборот агентлиги Абе ўз мажбуриятларини ўрнига бирор киши тайинлангунига қадар бажариш ниятида эканлиги тўғрисида хабар берган. Сўнгги кунларда ОАВ сиёсатчининг соғлиғи ёмонлашгани ҳақида ёзмоқда. 28 август куни Абенинг ўзи буни тасдиқлаган.
«Абэ билан учрашувда бўлган вакиллардан бирининг маълум қилишича, истеъфога касаллиги натижасида тўғри қарор қабул қила олмаслиги сабаб бўлмоқда», — дейилади агентлик хабарида. Киодо нашри манбасининг сўзларига кўра, Абэ ўз мажбуриятларини бажариш қийинлашганини айтган.
Синдзо Абэ йўғон ичак яллиғланишидан азият чекади. Ушбу касаллик 2007 йилда ҳам истеъфога чиқишига сабаб бўлган. Бироқ кейинчалик у аҳволини ўнглаб, 2012 йилда ян бир бор бош вазир этиб сайланган эди. Яқинда касаллик яна авж олгани тўғрисида маълум бўлди.
24 август куни Синдзо Абэ ушбу лавозимда ишлаётганига 2799 кун тўлди, бу япон ҳукумати раҳбарлари орасидаги энг узоқ давом этган давр ҳисобланади.
Изоҳ (0)