Хитой жанубидаги Гуандун провинциясида жойлашган Гуанчжоу шаҳри касалхонасида шифокорлар коронавирусдан соғайган беморга жавоб берди. У госпиталда 7 ой давомида даволанган, деб хабар беради «ТАСС».
Маълум қилинишича, 62 ёшли эркак январь охирларида коронавирусга чалинган ҳолда касалхонага олиб келинган. Шундан сўнг беморнинг аҳволи оғирлашган, шифокорлар унинг қонини кислород билан бойитиш учун экстракорпорал мембрана оксигенация аппаратига улаб қўйган.
Бемор орадан 111 кун ўтгач, май охирларига келиб организмида қайта тикланиш аломатлари пайдо бўлганидан кейин аппаратдан узилган.
Шифокорларнинг тушунтиришича, беморнинг бу қадар узоқ даволанишига унинг семизлик, гипертония, астма каби бошқа касалликлардан ҳам азият чеккани сабаб бўлган.
Аввалроқ британиялик 35 ёшли аёл коронавирусдан тузалишга рекорд даражада узоқ вақт сарфлагани тўғрисида хабар берилганди. У коронавирус инфекцияси ташхиси билан касалхонага ётиб, 141 кун давомида даволанган.
Изоҳ (0)