Енгил вазн тоифасида UFC чемпиони Ҳабиб Нурмагомедов Instagram ижтимоий тармоғи орқали энг кўп даромад топган россиялик блогерлар рейтингидан ўрин олди.
Доғистонлик яккакурашчи Forbes томонидан тузилган рейтингда 10-ўринни эгаллади. Унинг обуначилари 21,2 миллионни ташкил этади. Ҳабиб Instagram орқали сўнгги бир йил ичида рекламалардан 0,6 миллион доллар даромад топган.
Рейтингда биринчи ўринни телебошловчи ва блогер Ксения Собчак (1,48 миллион доллар) эгаллаган бўлса, қўшиқчи Полина Гагарина (0,89) ва блогер Ида Галич (0,85) кучли учликдан ўрин олган.
Таъкидлаш жоиз, Ҳабиб мазкур рўйхатнинг топ-10 лигидан ўрин олган ягона эркак блогер ҳисобланади.
Изоҳ (0)