«Қўқон-1912» бош мураббийи Бахтиёр Ашурматов Coca-Cola Суперлига 12-тури доирасида «Андижон»га қарши кечган ўйиндан (2:1) сўнг ўз фикрлари билан ўртоқлашди.
«Андижон» жамоасида бутунлай кутилмаган ўйин, кутилмаган тактик ўзгариш ва бошқача шижоатни кўрдим. Биз учун энг оғир учрашувлардан бири бўлди. Дерби ўз номига яраша жанговар руҳда ўтди. Лекин бу баҳс мавсумдаги энг ёмон ўйинимиз бўлди дея оламан. Ўйлаган тактик услубларимиз ҳам ўхшамади. Ғалаба қозонган бўлсак-да, мураббий сифатида ўйинимиздан кўнглим тўлмади. «Андижон» камида дурангга лойиқ ўйин кўрсатди.«Қўқон-1912» ушбу ғалабадан кейин очколарини 22 тага етказиб олган ҳолда 4-ўринда бормоқда. Жамоа кейинги турда «Навбаҳор» билан ўйнайди.Ҳозир пандемия, чарчоқ борлиги ҳамма учун таниш гаплар. Айни дамда барча бир хил ҳолатда деб ўйлайман. Жамоаларда 45 нафар футболчи рўйхатга олингани боис қайсидир футболчи муаммога дуч келса, ўйинни қолдирмасликка келишгандик, яъни баҳслар давом эттирилишидан олдин мураббийлар бу масалада ўзаро келишиб олган эдик.
Бу нарсаларни баҳона қилиб кўрсатмоқчи эмасман. Очиғини айтаман, бу учрашда ўйинимиз бутунлай қовушмади. Шу сабабли бу ғалабани омадимиз келгани билан изоҳлаган бўлардим. Йигитлар ҳам охиригача курашди. Рақибимиз ҳам жанговар ўйин кўрсатди.
Мазкур ўйин учун ҳар икки жамоа аъзоларига миннатдорчилик билдираман. Яна шу нарсани қўшимча қилишим мумкин, пандемия сабаб бирор жамоа муаммога дуч келса, ПФЛнинг ҳар қандай қарорига рози бўламиз. Биз рақибларнинг заифлашувидан манфаатдор эмасмиз. Уч кундан кейин яна бир дербида майдонга тушамиз. «Навбаҳор»га қарши бўладиган беллашув ҳам осон бўлмайди.
Бахтиёр Ашурматов, «Қўқон-1912» бош мураббийи
Мавзуга доир: «Навбаҳор»нинг 6 футболчисида коронавирус аниқланди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)