Футбол бўйича Coca-Cola Суперлига 12-турида «Насаф» 24 август, душанба куни «Бунёдкор» билан ўйнади.
Учрашув ҳар икки жамоанинг фаоллигида бошланди, бироқ биринчи бўлиб гол уриш қаршиликларга насиб этди. Ҳусаин Норчаев 20-дақиқада «Насаф»ни олдинга олиб чиқди. Иккинчи бўлим дебютида Бобур Абдухолиқов жамоасининг чиройли ҳужумини гол билан якунлади.
Орадан ўн дақиқа ўтиб Суҳроб Иззатов ҳисобни қисқартиришга эришди. Ўйин якунланиши арафасида захирадан майдонга қўшилганига кўп бўлмаган Шаҳбоз Эркинов мувозанатни тиклади.
Ушбу натижадан кейин «Бунёдкор» очколарини 22 тага етказиб олган ҳолда 3-ўринга қайтди. «Насаф» 20 очко билан 5-ўринда бормоқда.
Coca-Cola Суперлига
12-тур баҳси
24 август, душанба
«Насаф» — «Бунёдкор» 2:2
Голлар: 1:0 – 20 Норчаев, 2:0 – 57 Абдухолиқов, 2:1 – 67 Иззатов, 2:2 – 86 Эркинов.«Насаф»: Абдувоҳид Неъматов, Ғолиб Ғайбуллаев (Ҳусниддин Алиқулов, 81), Дилшод Саитов, Бобур Абдухолиқов, Шароф Муҳитдинов, Ҳусаин Норчаев (Ислом Кенжабоев, 65), Акмал Мозговой, Шерзод Насруллаев, Ойбек Бозоров, Марко Станоевич, Умар Эшмуродов.
«Бунёдкор»: Абдумавлон Абдулжалилов, Ислом Қобилов, Иброҳимҳалил Йўлдошев, Анвар Ғофуров (Суҳроб Иззатов, 55), Дилшод Аҳмадалиев, Хуршид Ғиёсов (Селим Нурмуродов, 84), Санжар Қодирқулов, Нурилло Тўхтасинов, Абдулла Абдуллаев, Валерий Акопов (Миржаҳон Мираҳмадов 37 (Шаҳбоз Эркинов, 84)), Фаррух Икромов.
Огоҳлантиришлар: Насруллаев (2), Бозоров (71).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)