«Пахтакор» бош мураббийи Шота Арвеладзе Coca-Cola Суперлига 12-тури доирасида «Локомотив»га қарши кечган учрашувдан (7:0) сўнг ўз фикрлари билан ўртоқлашди.
Дерби учун ноодатий ҳисоб бўлди. Бу ўйин «Бавария» — «Барселона» баҳсига ўхшаб кетди. Йигитлар учун хурсандман. Қийин даврдан ўтиб олдик. Яхши ўйнадик ва баҳсни назорат қилдик. Бешта алмаштириш амалга оширганда ўйин суръатини бирдек сақлаш қийин, лекин биз буни уддаладик. «Насаф» билан ҳам, бу ўйинда ҳам шундай бўлди. Захирадан тушган футболчилар ўзларини кўрсатди. Уларнинг шундай яхши ишлаётганидан бахтиёрман. Бу баҳс дерби тарихидан ўрин олади деб ўйлайман. «Локомотив»га бундай қийин ҳолатдан тезроқ чиқиб олишини тилайман.Мазкур ғалабадан кейин «Пахтакор» очколарини 31 тага етказиб олган ҳолда биринчи ўринни мустаҳкамлади. Жамоа кейинги турда «Андижон»га қарши ўйнайди.Футболчиларни терма жамоага қўйиб юбораманми? Аввало терма жамоага футболчини қўйиб юбормасликка ҳаққим йўқ. Бундан ташқари футболчилар ҳам терма жамоада ўйнашни истайди. Умид қиламанки, бизнинг чемпионат ўйинлари ҳамда Чемпионлар Лигаси олдидан маъқул ҳолат топилади.
Томас Мюллер интервью бериб бош мураббий танаффус вақтида футболчиларга олтитадан кўп гол урманглар деганини айтди? Бундай интервьюни кўрмадим. Натижа қандай бўлишидан қатъи назар мухлислар учун ўйнашда давом этамиз. Рақиб, мухлислар ҳамда ўз жамоангни ҳурмат қилиш лозим. Футболчилар ўз имкониятларини охиригача намойиш этиши керак.
Тўғри, сентябрь ойида бизни жуда ҳам оғир тақвим кутмоқда. Биз беш ҳафтани йўқотдик ва бу даврда даволандик. Рақибларимиз эса чемпионатда ўйинлар ўтказди. Лекин бизда ОЧЛда 6 очко бор. Биринчи навбатда гуруҳдан чиқишимиз шарт. Кейин насиб бўлса навбатдаги баҳслар ҳақида бош қотирамиз.
Шота Арвеладзе, «Пахтакор» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)