Спорт билан шуғулланиш ёки вақти-вақти билан парҳез қилишда ҳам танада вазн ортиши кузатиляптими? Номаълум сабабларга кўра, вазн ортиши қандайдир касалликнинг белгиси бўлиши мумкин. Албатта, уни вақтида аниқлаш зарур.
Агар чарчоқ бўлса — гипотиреоз
Тана вазни ортаётганда гумон қилинган касалликнинг биринчиси — гипотиреоз. Ушбу касалликдан ҳар саккиз аёлнинг бири азият чекади. Қалқонсимон без модда алмашинуви жараёнини меъёрга солишга ёрдам беради, агар у яхши ишламаса, ошқозон фаолияти сусаяди. Чарчоқ, тери қуриши, соч тўкилиши — касалликнинг аломатлари ҳисобланиб, уни даволаш мумкин.
Ҳайз цикли бузилса — поликистоз
Ушбу касалликка ҳар беш аёлнинг бири чалинади. Бу эндокрин жиҳатдан бузилиш бўлиб, репродуктив гормонларнинг номувофиқлиги бир қанча нохуш касаллик аломатларини келтириб чиқаради. Масалан, бетартиб кунлар, юз қисмда тукларнинг ўсиши ва мигрен. Шунингдек, поликистоз организмда инсулин моддасининг ишлаб чиқарилишига ҳам таъсир қилиши мумкин.
Доимий тушкунлик — депрессия
Тушкунлик сурункали давом этадиган ҳолларда инсон доимо нимадир билан курашади. Организмда адреналин ва кортизол моддаси камайиши ҳисобига қоринда ёғ йиғила бошлайди. Шунингдек, уйқунинг камлиги, чарчоқ, атрофга қизиқишнинг йўқлиги аломатлари депрессиянинг бутунлай ғалаба қозонганидан дарак беради.
Агар кечалари уйқу келмаса — уйқусизлик
Уйқусизликдан бошқа ҳеч нарса вазн ортишига у каби ёрдам беролмайди. Бедор тунлардан кейин куннинг яхши ўтиши учун яхши овқат тановул қилинади. Агар уйқу яхши бўлмаса, бунинг сабаби модда алмашинувининг фаолиятидан бўлиши мумкин.
Агар ёш 40 дан ўтган бўлса — менопауза олди
Менопаузага ўтиш даврида эстроген моддалар гоҳ кўтарилиб, гоҳ пасаяди. Номунтазам ҳайз, ҳароратнинг кўтарилиши, кайфиятдаги ўзгаришлар ва бошқа аломатлар намоён бўлади.
Агар ёғ тананинг кутилмаган жойида пайдо бўлса — Кушинг синдроми
Ушбу синдром миллионтадан 10-15 одамда учрайдиган камёб ҳолат бўлиб, қонда кортизолнинг ортиши натижасида юзага келади. Ёғ йиғилиши қорин соҳаси, бўйиннинг орқа қисми ва бошқа жойларда учрайди. Оёқ ва қўллар ингичкалашиб қолади. Синдром қувватнинг камайиши, қандли диабет, қон босими ва холестериннинг ортиши билан боғлиқ.
Изоҳ (0)