Футбол бўйича Беларусь чемпионатининг 22-турида «Энергетик-БГУ» 22 август, шанба куни «Смолевичи»ни қабул қилди.
Учрашувнинг 22-дақиқасида Шаҳбоз Умаров рақиб жарима майдонида иккита ҳимоячи алдаб ўтди ва дарвозанинг юқори бурчагини аниқ нишонга олди. Орадан кўп ўтмай Умаровнинг қанотдан амалга оширган узатмасидан кейин Душан Бакич минскликларнинг иккинчи голини урди.
Иккинчи бўлим дебютида Умаров дублини нишонлаши мумкин эди, бироқ унинг зарбасидан кейин тўп дарвоза устунига тегиб қайтди. Қайтган тўпни Айк Мусаханян бўш қолган дарвозага жойлаб қўйди. Меҳмонлар бунга 78-дақиқада киритилган тўп билан жавоб қайтарди. Ўйин якунланиши арафасида Бакич якуний ҳисобни ўрнатди — 4:1.
«Талабалар» ушбу ғалабадан кейин очколарини 34 тага етказиб олган ҳолда 5-ўринга кўтарилди. «Смолевичи» (14) эса сўнгги ўринни эгаллаб турибди.
Беларусь Олий Лигаси
22-тур баҳси
22 август, шанба
«Энергетик-БГУ» — «Смолевичи» 4:1
Голлар: 1:0 – 22 Умаров, 2:0 – 32 Бакич, 3:0 – 53 Мусаханян, 3:1 – 78 Макаров, 4:1 – 89 Бакич.«Энергетик-БГУ»: Макавчик, Свирепа, Сокол, Юдчиц, Мавату (Гирс, 77), Мирошников, Совпел, Носко, Умаров, Бакич, Мусаханян (Муҳамедов, 76).
«Смолевичи»: Лазовский, Родионов (Ханкевич, 46), Рашеня, Ҳалимончик, Алибеков (Гурбан, 77), Жевнеров, Демченко, Жигеро (Александрович, 66), Макаров, Шегрикович, Ложкин.
Огоҳлантиришлар: Ложкин (68), Жевнеров (72).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)