«Барселона»нинг янги бош мураббийи Рональд Куман жамоа таркибини бир нечта янги футболчилар билан кучайтириш ниятида, деб ёзмоқда АS нашри.
Қайд этилишича, нидерландиялик мутахассис Каталония клуби ҳимоячи Эрик Гарсия («Манчестер Сити»), ярим ҳимоячиси Донни ван де Бек («Аякс») ҳамда ҳужумчи Лаутаро Мартинесларни («Интер») сотиб олишини хоҳламоқда.
Таъкидлаш жоиз, Куманнинг ўзи Zigoo TV’га берган интервьюсида коронавирус пандемияси сабаб юзага келган молиявий қийинчиликлар фонида «Барселона»нинг 5-6 нафар янги футболчи билан шартнома имзолаши қийин эканлигини маълум қилганди.
Эслатиб ўтамиз, Куман 19 август куни «Барселона» бош мураббийига айланди. У бу лавозимда Кике Сетьен ўрнини эгаллади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)