Янги Зеландиянинг Даниди шаҳрида яшовчи етти ёшли Самир Анвар икки йил олдин Lego конструкторини йиғиб, бурнига пластик қисм солиб қўйган, деб хабар беради «Korrespondent.net».
Ота-она боланинг бурнидан бегона жисмни олиб ташлолмаган.
«Биз ҳақиқатда уни тортиб олишга уриндик, аммо ҳеч нима ололмадик», – дейди боланинг отаси Мудассир Анвар.
Кейин ота-она тиббий ёрдамга мурожаат қилган. Аммо шифокор Самирни кўздан кечириб, предмет овқат ҳазм қилиш тизимига тушган бўлиши, ўшанда у табиий равишда чиқишини айтган.
Вақт ўтиши билан оила бу ҳодисани унутган.
Аммо яқинда бола ширинлик еяётиб, онасига бурнидаги оғриқдан шикоят қилган. Аёл унинг бурнини ювган ва Lego ўйинчоқ машина қисмларидан бири чиққан.
Изоҳ (0)