Хосеп Гвардиола қўл остидаги «Манчестер Сити» Чемпионлар Лигаси чорак финалида «Лион»га мағлуб бўлди (1:3) ва мусобақа билан хайрлашди.
Гвардиола 2011 йилдан буён жамоасини Чемпионлар Лигаси финалига қадар олиб келолмаяпти. 9 йил аввал каталониялик мутахассис қўл остидаги «Барселона» финалда «Манчестер Юнайтед»ни мағлубиятга учратиб (3:1), чемпионликни қўлга киритганди.
2012 йилда «Барселона» ярим финалда «Челси» тўсиғидан ўта олмаганди (0:1, 2:2). Гвардиола 2012/13 йилги мавсумни танаффус сабаб ўтказиб юборган. Ундан кейин «Бавария» ва «Манчестер Сити» жамоалари ишлади.
Мураббий мюнхенликлар клуби билан уч бор ярим финалга қадар етиб борган ва уларнинг барчасида енгилган. «Манчестер Сити» билан дастлабки мавсумда 1/8 финалгача борган, Гвардиола сўнгги уч мавсумдан буён мусобақани чорак финалда якунламоқда.
2011 йилги чемпионликдан ташқари, Гвардиола 2009 йилда ҳам «кўк-анорранглилар»ни мусобақа ғолибига айлантирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)