UFC 252. Миочич Кормьени таслим қилди, O’Мэлли эса кутилмаганда нокаутга учради

UFC промоушени Тошкент вақти билан 16 август тонгида Лас-Вегасда (АҚШ, Невада штати) UFC 252 мусобақасини ўтказди.

Мусобақанинг асосий жанги оғир вазн чемпиони Стипе Миочич (20-3) ва икки дивизион собиқ чемпиони Даниэль Кормье (22-3) ўртасида кечди. Бу икки яккакурашчи иштирокидаги ўзаро учинчи жанг ҳисобланади. 2018 йилда Корме 1-раунддаги нокаут эвазига ғалаба қозонган бўлса, бир йил кейинги реванш жангида Миочичнинг қўли баланд келган. Учинчи жанг тўлиқ давом этди ва унда ҳакамлар бир овоздан Стипенинг ғалабасини қайд этди. Шу тариқа Миочич чемпионлик камарини ҳимоя қилди.

Мусобақанинг яна бир асосий жангларидан бирида Шон O’Мэлли эса кутилмаганда Марлон Верага 1-раунндаёқ нокаут эвазига ютқазиб қўйди. Бу унинг фаолиятидаги илк мағлубият бўлди.

Қайд этиш жоиз, асосий карддан ўрин олган бешта жангдан учтаси нокаут билан якунига етди. Барча жанглар видеосини бу ерда томоша қилиш мумкин → ҲАВОЛА.

Асосий кард жанги натижалари:

• Марлон Вера (16-6-1) рақиби Шон O’Мэллини (12-1) 1-раунддаёқ нокаутга учратди;
• Жаирзино Розенстрайк (11-1) рақиби Жуниор дос Сантосни (21-8) 2-раундда нокаут билан мағлуб этди;
• Даниэль Пинеда (27-13) рақиби Герберт Бёрнсни (11-3) 2-раундда нокаут эвазига таслим этди;
• Мераб Двалишвили (12-4) рақиби Жон Додсонни (22-12) 30-27, 30-27, 30-27 ҳисобида мағлуб қилди;