Футбол бўйича Европа Чемпионлар Лигасининг ярим финал иштирокчилари маълум бўлди.
½ финал босқичида Германия ва Франциянинг иккитадан клуби ўйнайди: «Лион» — «Бавария», ПСЖ — «Лейпциг».
«Лион» чорак финалда «Манчестер Сити»ни қолдириб кетган бўлса, «Бавария» эса «Барселона»ни тор-мор қилди. ПСЖ «Аталанта»нинг ярим финалга чиқишига йўл бермади. Шу тариқа мусобақа Чемпионлар Лигаси деб атала бошланган 1990/91 йилги мавсумдан бери илк бор ярим финалда Англия, Испания ёки Италиядан бирорта ҳам жамоа бўлмайди.
Қайд этиш жоиз, Франциянинг бирданига икки клуби илк бор мусобақанинг ушбу босқичига қадар етиб келди.
Маълумот учун, ярим финал баҳслари 18—19 август кунлари ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)