Футбол бўйича Европа Чемпионлар Лигасининг чорак финалида «Манчестер Сити» ва «Лион» жамоалари 15 август, шанба куни ўзаро баҳс юритди.
Учрашув ўртача темпда бошланди ва тўп асосан майдон марказида бўлди. 24-дақиқада «Лион» жамоаси Максвелл Корненинг голидан кейин олдинга ўтиб олди. Бунга «шаҳарликлар» 69-дақиқага келиб жавоб берди: Раҳим Стерлингнинг узатмасидан кейин Кевин де Брюйне ҳисобни тенглаштирди.
Бироқ учрашув якунига яқин французлар иккита тўп киритган ҳолда ғалабани илиб кетди. Захирадан майдонга тушган Мусса Дембеле икки бор инглизларни қарши ҳужумда жазолади ва жамоасига ярим финал эшикларини очди.
Шу тариқа «Лион» Чемпионлар Лигаси ярим финалига йўл олди ва у ерда «Бавария» билан ўйнайди.
ЕЧЛ
Чорак финал баҳси
15 август, шанба
«Манчестер Сити» Англия — «Лион» Франция 1:3
Голлар: 0:1 – 24 Корне, 1:1 – 69 де Брюйне, 1:2 – 79 Дембеле, 1:3 – 87 Дембеле.«Манчестер Сити»: Эдерсон, Жоау Канселу, Уокер, Ляпорт, Эрик Гарсия, Фернандино (Маҳрез, 56), Родри Эрнандес (Сильва, 84), де Брюйне, Гундўған, Стерлинг, Габриэль Жезус.
«Лион»: Антони Лопеш, Марсело, Марсал, Денаер, Дюбуа (Тете, 74), Какре, Бруно Гимараэс (Тиаго Мендес, 70), Ауар, Корне, Токо-Экамби (Рен-Аделаид, 87), Депай (Дембеле, 75).
Огоҳлантиришлар: Дюбуа (12), Фернандино (29), Родри Эрнандес (58), Марсело (64).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)