«Лион» Чемпионлар Лигаси чорак финал босқичида «Манчестер Сити»ни мағлуб этиб (3:1), ярим финал йўлланмасини қўлга киритди.
Шу тариқа француз клуби ўз тарихида Еврокубоклардаги энг яхши натижасини такрорлади. «Лион» бунгача 2010 йилда ҳам Чемпионлар Лигасининг ярим финал босқичига қадар етиб келган эди.
Шунингдек, жамоа кубок эгалари Кубоги (1964 йилда) ва Европа Лигаси (2017 йилда) ярим финалларида ҳам иштирок этган. Бундан ташқари, лионликлар 1997 йилда Интертото Кубогини қўлга киритган.
Қайд этиш жоиз, «Лион» 2010 йилда «Бавария»га мағлуб бўлиб (0:1, 0:3), ярим финал босқичида ўз иштирокини якунлаганди. Француз клуби 2019/20 йилги мавсумда ҳам ярим финал босқичида айнан Мюнхен клуби билан тўқнаш келади.
Изоҳ (0)