«Манчестер Сити» Лионель Мессини сотиб олмоқчи. «Шаҳарликлар» унинг учун исталган маблағни тўлашга тайёр
«Манчестер Сити» «Барселона» ҳужумчиси Лионель Мессини сотиб олиш учун ҳар қандай шартларга розилигини билдирган.
Миррор нашрининг ёзишича, инглиз клуби Месси ҳамда унинг собиқ устози Хосеп Гвардиоланинг бирлашиши жамоа ўйинини ижобий томонга ўзгартиришига ишонмоқда. Таъкидланишича, «шаҳарликлар» аргентиналик футболчи учун исталган суммани беришга тайёр.
Аввалроқ Месси «Барселона» Чемпионлар Лигаси чорак финалида «Бавария»га йирик ҳисобда мағлуб бўлгач, жамоадан кетмоқчи экани тўғрисида хабарлар тарқалганди. Бироз муддат олдин эса унинг хизматларига «Интер» қизиқиш билдиргани тўғрисида хабар берилганди.
Маълумот учун, Мессининг каталон клуби билан амалдаги шартномаси 2021 йилгача мўлжалланган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
