Футбол бўйича Россия Премьер Лигасининг 2-турида «Ростов» 15 август, шанба куни «Зенит» билан баҳс юритди.
Учрашув биринчи бўлимининг дастлабки чорагида ростовликлар фаоллик кўрсатди ва амалдаги чемпион дарвозаси олдида хавфли вазиятлар содир этди. Шундан кейин устунлик питерликлар томонига ўтди. Бўлим ярмига келиб «Зенит» футболчилари пенальти ишлаб олди. Сардор Азмуннинг 11 метрлик нуқтадан йўллаган зарбасини дастлаб дарвозабон қайтаришга эришди, бироқ қайтган тўпни эронлик футболчи яқин масофадан дарвозага жойлаб қўйди.
Иккинчи бўлим тенг курашлар остида кечди. 78-дақиқада меҳмонлар Ярослав Ракицкийнинг четлатилишидан кейин камчиликда қолди. Бироқ майдон эгалари бундан унумли фойдалана олмади. 87-дақиқада бурчакдан узатиб берилган тўпни Деян Ловрен боши билан дарвозага аниқ йўналтирди ва янги жамоаси сафидаги дебют голини урди.
Мазкур баҳсда Элдор Шомуродов асосий таркибда майдонга тушиб, 85-дақиқада захирага олинди.
Шунингдек, «Локомотив» Алексей Миранчукнинг ягона гол эвазига «Краснодар»ни таслим этди. ЦСКА эса ўз уйида «Тамбов»ни мағлубиятга учратди.
Иккинчи турдан кейин «Зенит», «Локомотив» ва ЦСКА ҳозирча йўқотишларсиз кетмоқда.
РПЛ
2-тур баҳслари
15 август, шанба
«Ростов» — «Зенит» 0:2
Голлар: 0:1 – 23 Азмун, 0:2 – 87 Ловрен.«Ростов»: Песьяков, Осипенко, Козлов (Байрамян, 85), Чернов, Ҳажикадунич, Ионов, Зайнутдинов, Норманн, Попов (Еременко, 74), Мамаев (Хасимото, 74), Шомуродов (Тошевски, 85).
«Зенит»: Кержаков, Дуглас Сантос, Ракицкий, Караваев, Ловрен, Оздоев, Барриос, Малком (Прохин, 80), Ригони (Ерохин, 73), Дриусси (Круговой, 73), Азмун (Мостовой, 85).
Огоҳлантиришлар: Малком (1), Норманн (3), Чернов (23), Ракицкий (55), Азмун (70), Барриос (90).
Четлатиш: Ракицкий (78).
ЦСКА — «Тамбов» 2:1
Голлар: 1:0 – 29 Кучаев, 1:1 – 42 Карапетян, 2:1 – 55 Шкурин.«Локомотив» — «Краснодар» 1:0
Гол: 1:0 – 43 Миранчук.«Динамо» — «Ротор» 0:0
«Рубин» — «Урал» 1:1
Голлар: 0:1 – 12, пенальти Бикфалви, 1:1 – 35, пенальти Игнатьев.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)