Россия ташқи ишлар вазири Сергей Лавров ҳамда Ўзбекистон ташқи ишлар вазири Абдулазиз Комилов телефон орқали ўзаро суҳбатлашди. Бу ҳақда Россия ТИВ ахборот хизмати хабар берди.
Фото: Россия Ташқи ишлар вазирлиги
«Икки томонлама муносабатларнинг долзарб масалалари, халқаро ва минтақавий кун тартиби бўйича атрофлича фикр алмашилди. Олий ва юроқи даражада ҳамкорликдаги тадбирлар, шу жумладан, ҳозирда Ўзбекистон раислигида бошқарилаётган Мустақил Давлатлар Ҳамдўстлиги доирасидаги тадбирлар тайёргарлигига алоҳида эътибор қаратилган», — дейилади вазирлик хабарида.
Шунингдек, Ўзбекистон Президентининг Россияга режалаштирилаётган давлат ташрифининг ташкилий ва мазмунли жиҳатлари ҳам атрофлича муҳокама қилинган. Россия ва Ўзбекистон ҳукуматлари раҳбарлари даражасида қўшма комиссиясининг 1-йиғилиши, шунингдек, икки мамлакат ўртасидаги иқтисодий ҳамкорлик бўйича ҳукуматлараро комиссиянинг 20-йиғилиши қарорлари бўйича олиб борилаётган ишлар кўриб чиқилган.
Янги турдаги коронавирус инфекциясининг тарқалишига қарши кураш борасида олиб борилаётган ишлар юқори баҳоланган. Томонлар ушбу соҳада ўзаро қўллаб-қувватлов ва ҳамкорликни давом эттиришга тайёр эканликлари тасдиқлаган.
Марказий Осиёда, жумладан, Афғонистондаги хавфсизликка оид масалаларни рижовлантириш бўйича, шунингдек, ЙХҲТдаги инқироздан чиқиш йўллари тўғрисида фикрлар аламашилган.
Эслатиб ўтамиз, Президент Шавкат Мирзиёев Россия президенти Владимир Путиннинг таклифига биноан, Иккинчи жаҳон урушида қозонилган ғалабанинг 75 йиллиги муносабати билан Москвада ўтказилган Ғалаба парадида қатнашиш учун 23 июнь куни Москвага борганди. Шу куни Шавкат Мирзиёев Россия президенти Владимир Путин билан учрашди. Россия президенти Ғалаба парадига келгани учун Шавкат Мирзиёевга миннатдорлик билдирган.
