Ўзбекистонда 14 август соат 17:00 гача коронавирусга чалинганлар 498 кишига ошиб, касалланганларнинг умумий сони 33821 нафарга етди. Бу ҳақда Соғлиқни сақлаш вазирлиги хабар бермоқда.
Кун давомида ҳозиргача 612 нафар бемор тузалди. Коронавирусдан тузалганларнинг умумий сони 27825 нафарга етди. Коронавирус инфекциясидан соғайиш кўрсаткичи 82 фоизни ташкил этмоқда.
«Ҳозирда мамлакатимизда 5776 нафар беморга шифокорларимиз томонидан белгиланган стандартлар бўйича даво чоралари кўрилмоқда», — дейилади ССВ хабарида.
Ўзбекистонда коронавирусдан даволанаётганлар охирги 31 кун ичидаги минимумга тушди. 29 июль куни беморлар сони 9500 дан ортиқ эди. 30 июлдан бошлаб даволанаётган беморлар камая бошлади. Айни пайтда даволанаётган беморлар сони 15 июль кунидаги беморлар сонидан (ўша куни 5855 нафар бемор даволанаётганди) ҳам камайди.
ССВ 14 август куни Тошкент шаҳрида 4 нафар эркак вафот этгани ҳақида хабар берди. Вазирлик ҳисоби бўйича коронавирусдан вафот этганлар сони 220 нафарга етди, «Дарё» ҳисоб-китобига кўра касаллик асоратлари оқибатида вафот этганлар 229 нафарни ташкил этмоқда.
Изоҳ (0)