«Лейпциг» жамоаси Европа Чемпионлар Лигаси чорак финалида «Атлетико»дан устун келди (2:1) ва ярим финалга йўл олди.
Немислар устози Юлиан Нагельсманн жамоасини Чемпионлар Лигаси ярим финалига олиб чиққан энг ёш мураббийга айланди. Германиялик мутахассис ўйин куни 33 ёш-у 21 кунлик эди.
«Лейпциг» ярим финалда ПСЖ билан ўйнайди. Учрашув 18 август куни Лиссабонда бўлиб ўтади.
Аввалроқ Нагельсманн 32 ёш-у 231 кунлигида мусобақа плей-офф босқичида ғалаба қозонган энг ёш мураббийга айланганди.
Нагельсманн 2017 йили 29 ёшида «Ҳоффенҳайм»ни илк бор Чемпионлар Лигасига олиб чиққанди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)