АПЛ 2020/21 йилги мавсуми одатдагидан қисқа бўлади ва унда қишки танаффус бўлмайди

Англия Премьер Лигаси 2020/21 йилги мавсум тақвими лойиҳасини эълон қилди.

Унга кўра, Англия чемпионати 12 сентябрда бошланади ва 23 май куни якунланади.

Барча 380 ўйинни ўз ичига олган батафсил тақвим 21 август кунига қадар эълон қилинади.

BBC нашрининг хабар қилишича, АПЛ коронавирус сабаб юзага келган тиғиз тақвим туфайли янги мавсумда қишки танаффусдан воз кечган. Бунга қадар жамоалар февраль ойида икки ҳафта ҳордиқ чиқарар эди.

Шунингдек, 2020/21 йилги мавсум одатдагидан 5 ҳафта қисқароқ вақтда ўтказилади. Ўтган мавсумнинг кеч якунлангани бунга сабаб бўлган.

Аввалроқ Премьер Лига 2020/21 йилги мавсумида ФИФА жорий этган бешта ўзгариш қоидаси амал қилмаслиги маълум бўлганди. Шунингдек, тақвимни мўътадиллаштириш мақсадида Англия Кубоги ва Лига Кубоги регламентига ўзгаришлар киритилган.