Таниқли модель Наоми Кэмпбеллнинг ёши элликда бўлишига қарамасдан, машҳур бренд ва суратчилар у билан ҳамкорлик қилиш учун навбатда туради. Бунга унинг ёшига нисбатан гўзал кўринишида муҳим рол ўйнайдиган, модель бир неча йиллардан бери амал қилиб келадиган парҳез сабабчи. Қуйида Наомининг гўзаллиги сири билан бўлишамиз.
Кэмпбелл шахсий ошпази тайёрлаган таомларни тановул қилади. Ошпаз нафақат уйда, балки тадбир ва сафарлар учун ҳам моделга махсус таомлар тайёрлайди. У ҳеч қачон ресторан таомларини истеъмол қилмайди, унинг ратционидан фақат уйда тайёрланган таом ва барра маҳсулотлар ўрин олган.
У амал қиладиган асосий қоида кунига бир маротаба тановул — тушлик таоми ҳисобланади. Нонушта ва кечки овқат ўрнини босишига қарамай, тушлик таомида калориялар миқдори чекланган. Фақатгина якшанба куни Наоми ошпази тайёрлаган ширинлик, десерт, пудинг ва пирожнийларни ейиши мумкин.
Шунингдек:1. Модель, товуқ, таркибида глютеин бўлган ва сутли маҳсулотларни истеъмол қилмайди.
2. Занжабил, қизил булғори озиш учун аҳамиятли бўлган маҳсулотлар саналади, Наоми улардан тайёрланган таомларни севиб истеъмол қилади.
3. Унинг таомномасида дудланган ва шўр маҳсулотларга ўрин йўқ. Модель иложи борича тузли таомларни кам истеъмол қилишга ҳаракат қилади
4. Спиртли ичимликлар ичмайди.
5. Иссиқ бўлган кунларда модель, умуман, овқатланмайди. Бундай вақтда у фақат мевали шарбат ва оддий сув ичиши мумкин. Ўзини ёмон ҳис қилган вақтлари у бир-икки ҳафталаб ҳам ҳеч нима емаслиги мумкин.
6. Бир йилда бир неча маротаба Наоми, организмини тозалаш учун 10 кун давомида заранг сиропи, лимон ва кайен қалампири қўшиб тайёрланган махсус лимонад ёки ялпизли дамлама ва сув истеъмол қилади.
7. Оддий кунларда ҳам Наоми кўп суюқлик — лимон қўшилган сув, гиёҳли чой ва яшил смузи истеъмол қилади.
Изоҳ (0)