Аёлларнинг юзида ажини кўпайгани сари ваҳимаси ҳам шунга яраша ортиб бораверади. Лекин бу қайғуришга арзимайди, ҳамиша ёш кўринишни хоҳлайдиганлар 30 ёшдан сўнг юз парваришига алоҳида эътибор қараца бўлгани.
Пардоз-андоз, саломатлик, тўғри оватланиш ҳақида жуда кўп тавсиялар мавжуд. Улар, албатта, ёшликда яхши натижа бериши мумкин. Аммо қарилик белгилари сезила бошлаганда-чи? Cosmopolitan нашри мутахассисдан ушбу саволга батафсил жавоб олди.
Юзни қаттиқ тозалашдан воз кечинг
Ҳозирда танадаги ўлик ҳужайралардан қутулишнинг бир қанча усуллари мавжуд. Замонавий ёшариш усули –пилингдан фойдаланишингиз мумкин. Масалан, скраблар таркибида мавжуд қаттиқ моддалар қариш ҳолатига ўтаётган юз терисини зарарлайди. Шунинг учун скраблардан фойдалансангиз таркибида юзга ботувчи моддаларсиз воситаларни танланг.
Коллаген миқдорини кўпайтирувчи крем танланг
Ёш ўтиб борган сари асосий муаммо – тери коллаген ишлаб чиқаришда сустлашади. Шунинг учун ҳам ажинлар пайдо бўлмаслиги учун қаришга қарши кремлардан фойдаланиш керак, шундагина коллаген миқдори ортиб, ажинларни «ҳайдаш»га ёрдам беради. Оддий намлантирувчи «Қуруқ терилар учун» ёки «Нормал терилар учун» кремлари энди сиз учун эмас, коллаген ишлаб чиқарувчи кремлар эса фойда келтириши табиий.
Зардобдан фойдаланинг
Зардоб – моддаларга тўйинган маҳсулот. Оддий кремлардан фарқли жиҳати шуки, у бир қанча фаол моддаларни ўз ичига олади. У ҳақиқий фойдали қисмларнинг коктейли, таъсири ҳам шунга яраша. Агар ундан сира ҳам фойдаланмаган бўлсангиз, унда «таомномангиз»га қўшишнинг айни вақти.
Бўйин соҳасини унутманг
Айтингчи, сиз кремдан фойдаланганингизда айнан қайси жойга кўпроқ эътибор қаратасиз? Фақат юз ва бўйиннинг тепа қисмими? Афсуски, кўпчилик аёлларнинг ҳам хатоси шунда. Аммо аёллар бўйиннинг пасти ҳамда кўкси текис ва таранг бўлишини истайди. Бунинг учун парвариш борасида сахий бўлмоқ керак. Юз учун қаришга қарши фойдаланаётган кремдан айнан бўйин атрофига ҳам суртинг. Чунки бадан учун мўлжалланган лосьон ҳеч қандай ёшартирувчи хусусиятга эга эмас.
Лимфотугунларни уқаланг
Умид қиламизки, қачонлардир юзингизни косметологларга ишониб топширасиз ва профессионал парваришни унутмайсиз. Шуни ҳам ёдда тутинг, аёллар 35 ёшдан сўнг ҳар 6 ойда бир маротаба лимфотугунларни уқалатиши зарур. Шу орқали танада қон айланиши яхшиланади, терининг эластиклиги ошади ва организмда қариш жараёни секинлашади. Кундалик режангизни ушбу тавсияни ҳам киритиб қўйинг, амал қилиш эсингиздан чиқмасин.
Ҳафтада икки маротаба юз учун ниқоб тайёрланг
Сиз фақат зарурат туғилгандагина юз учун ниқоб тайёрлашга ўрганиб қолганмисиз? Ундай бўлса, бу ишингиз нотўғри. Аслида ҳафтада бир маротаба юзни ниқоб билан озиқлантириш меъёр ҳисобланади. Масалан, А ва E витаминлари билан озиқлантирувчи ниқоб жуда фойдали, шунингдек, қаришга қарши интенсиве ниқобдан ҳам фойдаланинг. Таркибида коллаген, элацтин, B витаминлари ва гиалурон кислотаси борлигига аҳамият беринг.
Пардозни гидрофилик мой билан тозаланг
Юз қисмида энг нозик тери кўз атрофи ҳисобланади. Айнан аёллар пардозини ювишда энг кўп зарар берадиган жой ҳам шу. Туш қолдиқларини совун билан ювиб кетказишга уринманг. Махсус мойлар билан тозаланг. Пардозни ювишда гидрофилик мой, кейин эса илиқ сувда ювинг. Яна бир яхши вариант – зардоб. Унинг таркибида ҳам ёғ мавжуд, тери қуримайди. Ажинлар пайдо бўлишининг сабаби пардозни тозалашда тери қизаргунча ишқалайверишдир.
Таомномангизга сабзавот шарбатини қўшинг
Ҳақиқий гўзаллик – ички гўзаллик эканидан барчанинг хабари бор. Терининг ёш кўринишига ёрдам бермоқчи бўлган аёллар энг аввало, ишни таомнома тузишдан бошлаши керак. Кундалик овқатларни тамоман эмас, қисман ўзгартириш, витаминга бой коктейл ичишингиз керак бўлади. Кўкат, янги карам шарбати таркибида эластикликни сақлашга ёрдам берувчи моддалар мавжуд.
Қўлларингизга аҳамият беринг
Энг қизиғи шундаки, аёл кишининг юзи қанча ёш кўринса-да, қўллар барчасини сотиб қўяди. Қўл терисини ҳам парвариш қилиш учун махсус кремлардан фойдаланиш ҳамда рационни қайтадан тузиб чиқиш зарур.
Изоҳ (0)