Футбол бўйича Европа Лигасининг чорак финалидан ўрин олган 11 август кунги икки ўйин якунланди.

Фото: Twitter

«Шахтёр» жамоаси «Базел» билан баҳс юритди. Украиналиклар учрашувнинг 2-дақиқасидаёқ Жуниор Мораеснинг голидан кейин олдинга ўтиб олди. 22-дақиқада Тайсон «кончилар»нинг иккинчи голини урган бўлса, 75-дақиқада Алан Патрик ҳисобни йирик кўринишга олиб келди.

Учрашув якунланиши арафасида жамоалар ўзаро яна биттадан гол алмашди. «Шахтёр» ярим финалда «Интер» билан ўйнайди.

Параллел кечган баҳсда «Вулверҳэмптон» ва «Севилья» жамоалари ўзаро тўқнаш келди. Учрашув тенг курашлар билан бошланди. Биринчи бўлим дебютида «бўрилар» олдинга ўтиб олиши мумкин эди, бироқ Рауль Хименес пенальтини голга айлантира олмади.

Учрашув якунига етай деб қолганда испанлар ҳисобни очишга муваффақ бўлди. 88-дақиқада Лукас Окампос қанотдан узатиб берилган тўпни боши билан дарвозага жойлаб қўйди.

Шу тариқа «Манчестер Юнайтед»нинг ярим финалдаги рақиби «Севилья» бўлади.

Европа Лигаси

Чорак финал баҳслари

11 август, сешанба

«Шахтёр» Украина — «Базел» Швейцария 4:1

Голлар: 1:0 – 2 Мораес, 2:0 – 22 Тайсон, 3:0 – 75, пенальти Алан Патрик, 4:0 – 88 Додо, 4:1 – 90+2 ван Вольфсвинкел.

«Шахтёр»: Пятов, Бондар, Кривсов, Матвиенко, Додо, Алан Патрик (Коваленко, 78), Тайсон (Тете, 86), Маркос Антонио (Майкон, 85), Степаненко, Марлос (Соломон, 72), Мораес (Фернандо Педро, 85).

«Базел»: Николич, Петретта, Видмер, ван дер Верфф (Рамирес, 73), Алдерете, Фрай, Кампо, Жака (Маршан, 60), Штокер (ван Вольфсвинкел, 73), Пулулу, Артур (Адеми, 73).

Огоҳлантиришлар: Фрай (26), Алан Патрик (52), Артур (64), Бондар (87).

«Вулверҳэмптон» Англия — «Севилья» Испания 0:1

Гол: 0:1 – 88 Окампос.

«Вулверҳэмптон»: Руй Патрисиу, Рубен Винагре, Боли, Коуди, Доэрти, Моутинью (Нету, 71), Саисс, Рубен Невеш, Дендонкер, Траоре (Диогу Жота, 79), Хименес.

«Севилья»: Буну, Навас, Регилон, Кунде, Диего Карлос, Жордан (Васкес, 85), Банега, Сусо (Мунир, 89), Фернандо, Окампос, ан-Несири (де Йонг, 85).

Огоҳлантиришлар: Диего Карлос (11), Саисс (49), Рубен Невеш (90).

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!