«Тоттенҳэм» клуби «Саутҳэмптон» ярим ҳимоячиси Пьер-Эмиль Ҳёйбьергни сотиб олди.
25 ёшли футболчи лондонликлар билан 5 йиллик шартнома имзолади. У янги жамоасида 5-рақам остида ҳаракат қилади.
Аввалроқ «Тоттенҳэм» Ҳёйбьерг трансфери учун 15 миллион фунт сарфлаши хабар қилинганди.
Шунингдек, қарама-қарши йўналишда «шпорлар» ҳимоячиси Кайл Уокер-Питерс «Саутҳэмптон» сафига йўл олган.
Даниялик футболчи 2019/20 йилги мавсумда Премьер Лигада 33 ўйин ўтказиб, битта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)