Британиялик дизайнерлар келажак самолётлари салони дизайнини намойиш этди

Британиялик ихтирочилар келажак самолётлари салонининг концептуал дизайнини намойиш этди, деб хабар беради The Sun.

Келажак самолётлари салони саёҳатчиларни инфекция тарқалишидан ҳимоялашга мўлжалланган. Инновацион услуб, шунингдек, гигиена даражасини ошириши ва парвоз сифатини яхшилаши керак. Ўриндиқлар ультрабинафша усулида тозаланадиган материаллардан яратилади, бу коронавирусни ўлдиришга ёрдам беради.

Шунингдек, номларда ҳам ўзгаришлар содир бўлган: «эконом-класс» Pure Skies Zones, «бизнес-класс» эса — Pure Skies Rooms деб аталади. Келажакда «эконом-класс»даги айрим ўринлар шахмат шаклида жойлаштирилади, бу эса йўловчилар ўртасида алоқа даражасини камайтиришга хизмат қилади. Кўнгилочар телевидениедан воз кечилади, унинг ўрнига смартфонни розеткага улаш, ўриндиқни мослаштириш ва шахсий контентни томоша қилиш имконияти тақдим этилади.

Шунингдек, ўриндиқ орқа қисмига симсиз қувватлантиргич ўрнатилади. Буклетлар ётадиган ҳамёнлар ҳам чиқинди ва зарарли бактериялар йиғилмаслиги учун олиб ташланади. Унинг ўрнига алмаштирилувчи пакетлар қўйилади. Pure Skies Rooms шахсий шкафлар, дарпардалар ва катта экранли телевизорларга эга бўлади.

Мазкур лойиҳани 3 йилдан сўнг амалга ошириш режалаштирилмоқда.

Аввалроқ Италиянинг авиация интерьерларини ишлаб чиқариш билан шуғулланувчи Avio Interiors компанияси антивирусли ўриндиқларга эга самолёт салони концептини тақдим этганди.