Harper’s Bazaar ажрашиши мухлислари учун кутилмаган ҳол бўлган Голливуднинг юлдузли жуфтликлари ҳақида мақола тайёрлади.
Анжелина Жоли ва Бред Питт
Голливуддаги энг гўзал жуфтликнинг ажрашиши барчани лол қолдирди. Улар биргаликда 11 йил яшади. Анжелинанинг айтишича, ажримга «муросасиз келишмовчилик» сабаб бўлган. Ажрашиш жараёни ҳозиргача давом этиб келмоқда. Улар фарзандларини ва тўпланган мулкларни бўлишиб олмоқчи.
Деми Мур ва Эштон Кутчер
2011 йил яна бир ажойиб жуфтлик – Деми Мур ва Эштон Кутчер ажрашди. Айрилиқнинг сабаби матбуотда тарқалиб кетган Эштоннинг хиёнати бўлган. Деми аввал ҳам турмуш ўртоғининг «иш»ига кўз юмган бўлса-да, аммо бу сафар ажрашишга қарор қилди.
Жонни Дэпп ва Эмбер Хёрд
Қисқа муддатли никоҳдан сўнг 2016 йил май ойида Эмбер Хёрд Жонни Дэпп билан ажрашиш учун ариза берди. Уларнинг ажримига расмий сабабни Голливуд «енгиб бўлмас зиддият» деб қабул қилди. Хёрд бутун оламга унинг турмуш ўртоғи калтаклаганини эълон қилди. Суд ажримни бошлади ва натижада Дэпп собиқ турмуш ўртоғига 7 млн доллар тўлади. Сўнгра Дэпп Хёрдни туҳматда айблаб, маънавий зарар учун 50 млн доллар пул талаб қилди.
Том Круз ва Кети Холмс
Том Круз ва Кети Холмснинг 2006 йил бўлиб ўтган ажойиб никоҳ тўйидан сўнг уларнинг машҳурлиги янада ошганди ва бир-бирини чиндан ҳам қаттиқ севишига мухлислар ишонганди. Йиллар ўтиб уларнинг Сури исми қизи туғилди ва 2012 йилга келиб улар оилавий муносабатига нуқта қўйишга қарор қилди. Кўпчилик Кети Томнинг айрим қарашлари туфайли тил топиша олмаганини гумон қилди, афсуски, ажрашиш иккисига ҳам осон бўлмади. Актрисанинг отаси Мартин Холмс тажрибали адвокат бўлса-да, никоҳ шартномасига кўра ишқий муносабатлар 5 йил давомида сир сақланиши кераклигига рози бўлди, акс ҳолда у бойлигидан маҳрум бўларди.
Моника Белуччи ва Венсан Кассель
Италян ва французнинг ажойиб «иттифоқи» 17 йил давом этди. Улар «Хонадон» фильмининг суратга олиш майдончасида танишган. Дастлаб Венсан қобилиятли актрисага эътибор бермади. Нафрат билан муҳаббатнинг ораси бир қадам. 2004—2010 йиллар мобайнида уларнинг Дева ва Леони исмли қизлари дунёга келди. Европа киносининг «энг гўзал жуфтлиги» деб тан олинган Моника ва Венсаннинг 2013 йилда ажрашиб кетишини ҳеч ким кутмаганди. Белуччининг айтишига қараганда, улар доимо «дўст» каби яшаган ва шунинг учун ҳам ажрашишга қарор қилган.
Изоҳ (0)