UFC’нинг оғир вазндаги чемпиони Стипе Миочич Даниэль Кормье билан трилогияни тугатганидан сўнг ярим ўрта вазн чемпиони Жон Жонс билан жанг қилишга ва уни мағлуб этишга тайёрлигини маълум қилди.
«Ҳа, мен тайёрман, лекин бу UFC’га боғлиқ. Улар менга қарши кимни чиқаришидан қатъи назар жанг қилишга тайёрман.
Ишонаманки, Жонс билан ажойиб жанг ўтказамиз, ғолиб бўлишимга шубҳа қилмаяпман. У бошқа вазн тоифасидан, лекин унга қарши кураша оламан. Биламан, бу мен учун яхши жанг бўлади ва мен уни мағлуб этаман», — дейди Миочич.
Эслатиб ўтамиз, Стипе Миочич ва Даниел Кормье ўртасидаги жанг 15 август куни Лас-Вегасда бўлиб ўтади ва UFC 252 мусобақасининг асосий жанги бўлади.
Маълумот учун, Стипе Миочич MMA’даги фаолияти давомида 22 та жанг ўтказиб, уларнинг 19 тасида ғалаба (15 таси нокаут билан) қозонган. 3 тасида эса имкониятни бой бериб қўйган.
Жон Жонс эса профессионал фаолияти давомида 28 жанг ўтказиб, шуларнинг 26 тасида ғалаба қозонган. 1 бор имкониятни бой бериб қўйган бўлса, унинг иштирокидаги яна 1 та жанг натижаси бекор қилган.
Мавзуга доир: UFC’нинг янгиланган рейтинги эълон қилинди. Конорда пасайиш, Петр Ян илк бор топ-15 ликда
Жон Жонс ва Миочич иштирокидаги жангларни томоша қилинг (видео)
Изоҳ (0)