Профессионал футбол Лигаси бош директори вазифасини бажарувчи Диёр Имомхўжаев сентябрь ойида Тошкент шаҳри ва вилоят марказларидаги стадионларда ОТМларга кириш имтиҳонлари ўтказиш борасида чиқарилган қарорга ўз муносабатини билдирди.
«Чўх гўзел», ўртоқлар. 999 та муаммо бор вақтда, яна битта қўшилса, ҳеч нарса қилмайди. Фақат битта жиҳатга эътибор қаратиш керакки, биринчи галда сунъий қопламали майдонлар, 2-лига майдонлари ва ҳоказолардан фойдаланиш мумкин. Тест синовлари уларнинг сифатига катта таъсир кўрсатмайди.Бироз ўтиб Имомхўжаев Қашқадарёдан алоқа чиқишгани ва «Насаф»нинг асосий стадионида тест ўтказилмаслигини маълум қилишгани ҳақида хабар қилди.Ҳозир эса «Насаф» футбол клубининг асосий стадионига парталар келишни бошлади. Масалан, Қаршида мана шунча стадион бор:
Мана шунча жой турган вақтда халқаро талабларга жавоб берадиган «Насаф» майдонида имтиҳон ўтказиш мантиқсизлик. Унинг реконструкцияси учун ҳам давлатнинг ўзи пул ажратган. Яхши футбол майдони учун камида 2 йил вақт ва 600 минг доллардан кам бўлмаган маблағ керак. Бир неча кунлик тест шунга кўз юмиш учун ас қоца, демак барча футбол майдонларидан фойдаланавериш мумкин.
- «Марказий» сунъий майдони
- «Динамо» стадиони
- «Геолог» стадиони
- Олимпия захиралари коллежи майдони
- Банк коллежи майдони
- Ахборот коллежи майдони
- Қарши давлат университети майдони
- «Меҳнат» стадиони
Ўқиш, олим бўлиш албатта футболдан муҳим. Аммо барпо этилган ва бир неча йиллик меҳнат сингган катта майдонларни топташ керак эмас. Бунинг муқобил ечимлари албатта бор
Диёр Имомхўжаев, ПФЛ бош директори вазифасини бажарувчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)