«Ўзгидромет»нинг хабар беришича, 7 август куни Ўзбекистон ҳудудининг катта қисмида қуруқ ва иссиқ об-ҳаво сақланиб туради, ҳарорат 35-40 даража бўлади.
Фақат Ўзбекистоннинг шимолий ҳудудларига Орол денгизи ҳудуди устидаги баландликдаги циклон билан боғлиқ нам ва салқин ҳаво оқими киришда давом этади. Қорақалпоғистонда ва Хоразм вилоятида айрим жойларга қисқа муддатли ёмғир ёғиши, момақалдироқ бўлиши мумкин. Шимолий туманларда ҳарорат фони 28-33 даража атрофида бўлади.
8 август, шанба куни республика ҳудудида об-ҳаво ёғингарчиликсиз бўлади, фақат шимолий туманларда, шунингдек, тоғли ва тоғолди ҳудудларда қисқа муддатли момақалдироқли ёмғир ёғиши мумкин. Кўпчилик вилоятларда ҳарорат бироз пасаяди ва кечаси 20-25, кундузи 33-38 даража бўлади.
7—8 август кунлари республика бўйича айрим жойларда шамолнинг тезлиги секундига 15-20 метргача кучайиши мумкин.
Якшанба куни тоғли ва тоғолди ҳудудларда қисқа муддатли ёмғир ёғиши мумкин. Мамлакатнинг текислик ҳудудларда ёғингарчилик кутилмайди. Ҳарорат кечаси 20-25 даража, кундузи 33-38 даража атрофида сақланиб туради. Қайд этилишича, бу ойнинг шу даври учун хос бўлган иқлимий меъёрларга яқиндир.
Изоҳ (0)