Германия ҳукумати Ўзбекистон учун пандемияга қарши курашда қўшимча 2 миллион евро ажратди. Бу ҳақда Германиянинг Тошкентдаги элчихонаси хабар берди.
«Кўмак турлари ва чора-тадбирлари икки давлат ўртасида муҳокама қилинмоқда», – дея қайд этиб ўтилган элчихона ахборотида.
Июнь ойида Германия Жаҳон соғлиқни сақлаш ташкилотининг Тошкентдаги ваколатхонасига 480 минг евро ажратган эди.
Аввалроқ коронавирусга қарши курашда ёрдам бериш учун Япония Ўзбекистонга 1,9 миллион доллар ажратиши хабар қилинганди, Кувайт 5,6 миллион доллар, Канада 250 минг доллар ажратиши ҳақида хабар берилган эди. Бундан ташқари, Жаҳон соғлиқни сақлаш ташкилоти Ўзбекистонга қиймати 4 миллион доллардан ортиқ бўлган инсонпарварлик ёрдами жўнатиши маълум бўлган эди.
Мавзуга доир:
- Туркия Ўзбекистонга коронавирусни даволашда ишлатиладиган дорилар ва ҳимоя воситаларидан иборат инсонпарварлик ёрдамини юборди
- Германия Ўзбекистонга кислород баллонлари, тиббий ниқоблар ва комбинезонлардан иборат инсонпарварлик ёрдами юборди (фото+видео)
- Жанубий Корея коронавирус пандемиясига қарши курашиш учун Ўзбекистонга иккинчи инсонпарварлик ёрдамини юборди
Изоҳ (0)