Дзюдо бўйича Осиё ва Жаҳон чемпиони, Олимпиада совриндори Абдулло Тангриев «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Суҳбат давомида Абдулла Тангриев агар таклиф бўлса, MMA’га ўтиши ва исталган MMA жангчиси билан жангга чиқишини маълум қилди.
MMA спортига бундан анча олдин, яъни 2012 йил ўтмоқчи бўлганман. Бу спорт тури ҳам ташқаридан осон кўрингани билан энг оғир спорт турларидан бири ҳисобланади. Чунки бу спорт тури аралаш спортлар яъни ҳам бокс, ҳам кураш, кикбоксинг, хуллас, ҳамма спортларнинг жамланмаси ҳисобланган спорт тури саналади. MMA спорт турида ном қозониш учун жиддий тайёргарлик кўриш керак. Сизнинг кучли промоутерингиз бўлиши керак. Катта шоуга тайёр бўлишингиз керак. Ҳозирги кунда ҳам қайси MMA спортчиси жангга таклиф қилса, ҳеч қайсисига рад жавобини бермасдан жанг қилишга ҳамиша тайёрман.Маълумот учун, Абдулло Тангриев 1981 йил 28 мартда Сурхондарё вилоятида туғилган. У 19 ёшида Ўзбекистон терма жамоасига чақирилган. Сидней—2000 ёзги Олимпиада ўйинларида қатнашган. Абдулла Тангриев дзюдо бўйича Осиё ва Жаҳон чемпиони, 2008 йил Пекинда ўтказилган Олимпиада ўйинларида кумуш медалига эга чиққан.Бизда MMA спортига яқин кунларгача эътибор бўлмаган. Бизнинг MMA спортчиларимиз ҳам асосан бошқа давлатларнинг клубларида курашиб, ўша ерларда рингга чиқиб, саккиз бурчакда жанг қилиб келишган. Менга Москвада юрган вақтимда ўртоқларим MMA’га ўтмайсанми деб таклиф қилишган эди. Ўшанда рад қилганман, агар ўтганимда балки дзюдо чемпиони эмас, MMA чемпиони бўлиб кетармидим.
Аллоҳга шукр, дзюдода ҳам, миллий курашда ҳам бир спортчи ният қилиб, мақсад қилган натижаларининг барчасига эришганман. Бу учун Аллоҳга беҳисоб шукрлар, ҳамд-у санолар бўлсин.
Абдулла Тангриев, спортчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)