«Манчестер Юнайтед» Италиянинг «Фиорентина» клуби ҳужумчиси Федерико Кьезани ўз сафига қўшиб олмоқчи. Бу ҳақда Ла Назионе хабар тарқатди.
Таъкидланишича, «қизил иблислар» 22 ёшли италиялик футболчининг трансфери учун 55 миллион сарфламоқчи.
Қайд этиш жоиз, сўнгги ойларда италян нашрларида Кьеза учун «Ювентус» ва «Интер»нинг жиддий қизиқиш билдираётгани тўғрисида хабарлар тарқалди. Бироқ илк расмий таклиф инглиз клуби томонидан бўлгани айтилмоқда.
Федерико Кьеза «Фиорентина» академияси тарбияланувчиси саналади. У А Сериядаги дебютини 2016 йилда ўтказган. Якунига етган Италия чемпионатида (2019/20 йилги мавсуми) ҳужумчи 34 ўйинда майдонга тушиб, ўз номига 10 гол ва 9 та голли узатмани ёздириб қўйди. Унинг клуб билан шартномаси 2022 йилнинг ёзигача амал қилади.
Изоҳ (0)