Трансфер ҳуқуқи «Манчестер Юнайтед»га тегишли бўлган ҳужумчи Алексис Санчес тўлақонли тарзда «Интер»га ўтади. Бу ҳақда италиялик таниқли журналист Жанлука ди Марцио хабар бермоқда.
Таъкидланишича, Санчес «Манчестер Юнайтед» билан шартномасини бекор қилади ва «Интер»га эркин агент сифатида ўтади. Милан клуби футболчи билан битим шартлари бўйича келишиб олган: 31 ёшли чилилик футболчи уч йилга мўлжалланган шартнома имзолайди ва йилига 7 миллион евро маош олади.
Аввалроқ «қизил иблислар» Санчес трансфери учун 15-20 миллион евро олиши ҳақида хабарлар тарқалганди, бироқ ди Марцио бу маълумотларни рад этди.
Маълумот учун, Санчес 2019/2020 йилги мавсумни ижара асосида «Интер»да ўтказди. Ортда қолган мавсумда футболчи барча мусобақаларда 29 та ўйинда майдонга тушиб, 4 та гол 10 та голли узатмага муаллифлик қилди.
Мавзуга доир:
- Алексис Санчес мавсум рестартидан сўнг голли узатма бериш бўйича фақат Мессидан ортда қолмоқда
- Санчесдан Рабиогача. А Сериянинг сўнгги 2 йилдаги энг омадсиз трансферларидан иборат рамзий терма жамоа
- Бир неча йил олдин дунёнинг энг яхши футболчиларидан бири бўлган, ҳозир эса ҳеч кимга керак бўлмай қолган Алексис Санчес ҳақида
Изоҳ (0)