«Барселона» президенти Хосеп Бартомеу жамоа ярим ҳимоячиси Артур каталонлар тасарруфига қайтишдан бош тортгани ҳақидаги хабарларни тасдиқлади ва уни танқид остига олди.
«Барселона» август ойида Чемпионлар Лигасининг қолган ўйинларида иштирок этади. Бироқ бразилиялик футболчи мазкур учрашувларда қатнашишни истамаган ва жорий ҳафта бошланган машғулотларга келмаган. Эслатиб ўтамиз, Артур келаси мавсумдан бошлаб «Ювентус» сафида ҳаракат қилади.
«Артур қилган иш — бу жамоадошларга бўлган ҳурматсизлик, чунки жамоа Чемпионлар Лигасида муваффақият қозонмоқчи. Бу клубга нисбатан ҳам ҳурматсизлик. Муҳим мусобақа олдидан ўйинчи унда қатнашишни истамаслигида мантиқ йўқ. Бундай қилиқ мутлақо тушунарсиз ва уни ҳеч нима билан оқлаб бўлмайди.
Келишувимизга кўра, у Чемпионлар Лигасининг охирига қадар «Барселона»да ўйнаши керак эди. Бу чемпионат ва Чемпионлар Лигасига ҳам тааллуқли эди. У жамоада маълум ролни ўйнайдиган футболчи ва бизга ёрдам бериши мумкин.
У кичик таътилдан кейин қайтиб келмади. Бу интизомсизликнинг яққол кўриниши. Шу сабаб биз бу борада суриштирувни бошладик, чунки унинг йўқлигини оқловчи ҳеч қандай асос йўқ.
У қўнғироқ қилди ва шундай деди: «Мен қайтмайман, Бразилияда қоламан». Бу унинг қарори. Ҳеч ким унга рухсат бергани йўқ», — дейди Бартомеу.
Июнь ойида Артур 72 миллион евро эвазига «Ювентус» сафига ўтиши эълон қилинган эди. Бироқ футболчи 2019/20 йилги мавсум охирига қадар «Барселона»да қолиши айтилганди.Жорий мавсум футболчи Ла Лигада 21 та ўйин ўтказиб, учтадан гол ва голли узатма муаллифига айланди.
«Барселона» футболчилари томонидан урилган акробатик усулдаги топ-5 гол (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)