«Арсенал» ҳужумчиси Пьер-Эмерик Обамеянг Англия Кубоги финал ўйинида «Челси» (2:1) дарвозасини икки марта ишғол этди.
31 ёшли габонлик футболчи учрашувнинг 28 ва 67-дақиқаларида икки марта ўз номини таблога ёздириб қўйди. Шу тариқа Обамеянг 88 йил ичида «Арсенал» сафида Англия Кубоги финалида гол урган энг ёши катта ўйинчига айланди.
Бундан олдин 1932 йилда «Арсенал» собиқ футболчиси Боб Жон Кубок финалида «Ньюкасл»га қарши ўйинда 33 ёш-у 80 кунлигида гол урганди.
Таъкидлаш жоиз, «Арсенал» Англия Кубогидаги ғалабалар сони бўйича рекордчи саналади. Жамоа умумий ҳисобда 14 марта бош совринга эга чиққан.
Маълумот учун, Обамеянг Англия Премьер Лигасининг 2019/20 йилги мавсумида 36 та ўйин ўтказиб, 22 та гол урди ва 4 та голга ҳаммуаллифлик қилди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)