«Арсенал» Англия Кубоги финалида «Челси»ни 2:1 ҳисобида мағлуб этди.
Ушбу ғалаба туфайли лондонликлар Европа Лигасида иштирок этиш ҳуқуқига эга бўлди.
Бунгача «Арсенал» Премьер Лигада 8-ўринни эгаллаб, Еврокубоклардан қуруқ қолганди.
Шу тариқа АПЛда 6-ўринни эгаллаган «Тоттенҳэм» Европа Лигасининг иккинчи саралаш босқичида ўйнайдиган бўлди. Жозе Моуриньо шогирдлари гуруҳ босқичига чиқиш учун 3 та ўйинда ғалаба қозониши керак бўлади.
Агар «Арсенал» Англия Кубоги мағлуб бўлганида, «Тоттенҳэм» тўғридан-тўғри Европа Лигаси гуруҳ босқичига йўл оларди.
Ушбу ҳолатда Премьер Лигада 7-ўринни эгаллаган «Вулверҳэмптон» келаси мавсумда Европа Лигасида иштирок этмайди. Бироқ жамоа ҳамон бу йилги турнирдаги юришини давом эттирмоқда. Агар «Вулверҳэмптон» Европа Лигасида ғалаба қозонса, тўғридан-тўғри Чемпионлар Лигаси йўлланмасини қўлга киритади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)