Футбол бўйича Франция Лига Кубогининг финалида ПСЖ ва «Лион» клублари 31 июль, жума куни ўзаро баҳс юритди.
Учрашувнинг асосий вақтида дарвозалар дахлсиз қолди. Қўшимча бўлимларда ҳам ҳисоб ўзгармагач пенальтилар сериясига мурожаат қилинди.
Пенальтилар сериясида парижлик футболчилар кучлироқ чиқди. ПСЖ сафида Анхель ди Мария, Марко Верратти, Леандро Паредес, Андер Эррера ва Неймар мўлжални аниқ олган бўлса, «Лион»дан Йоаким Андерсен, Карл Токо Экамби, Максанс Какре, Тяго Мендес ва Уссем Ауар 11 метрлик жарима зарбасини аниқ ижро этди. Бертран Траоренинг ягона хатоси эса «Лион»га қимматга тушди.
Шу тариқа ПСЖ тўққизинчи марта ушбу совринни қўлга киритди ва бу борда рекордчи ҳисобланади. «Лион» эса 2000/01 йилги мавсумда бир бор Лига Кубогида зафар қучганди.
Аввалроқ Томас Тухель шогирдлари муддатидан олдин тўхтатилган Франция чемпиони ғолибига айланган ва Франция Кубогига эга чиққанди.
Франция Лига Кубоги
Финал баҳси
31 июль, жума
ПСЖ — «Лион» 0:0 (пенальти — 6:5)
ПСЖ: Навас, Баккер, Тиаго Сильва (Паредес, 90), Курзава (Керер, 70), Маркиньос (Диалло, 114), Гуйе (Эррера, 58), Верратти, Ди Мария, Кимпембе, Неймар, Икарди (Сарабия, 58).«Лион»: Антони Лопеш, Марсал, Марсело (Андерсен, 81), Денаер, Дюбуа (Рафаэл, 86), Ауар, Бруно Гимараэс (Тиаго Мендес, 65), Какре, Корне, Депай (Токо-Экамби, 80), Дембеле (Траоре, 80).
Огоҳлантиришлар: Какре (19), Тиаго Сильва (55), Бруно Гимараэс (61), Эррера (79), Марсал (94), Маркиньос (95), Паредес (100), Ди Мария (115).
Четлатиш: Рафаэл (119).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)