Машҳурларнинг ҳақиқатан бой эканликлари уларнинг 100 минг долларлик соат, Bentley ёки теннис кортини сотиб олишида деб ўйлайсизми? Улардан айримларининг пули шунчалик кўпки, ҳатто хусусий орол сотиб олишга ҳам етади.
Ҳеч қачон тугамайдиган таътил, фақатгина сизга тегишли бўлган тропик оролни бир тасаввур қилиб кўринг-а? Кўплаб таниқли шахслар бу орзуни аллақачон рўёбга чиқаришга улгурган.
Николас Кейж
Николас Кейж – исрофгарчилиги билан танилган актёр. У саккизоёқ, тимсоҳлардан тортиб, динозаврларнинг бош суягигача сотиб олади. 2006 йилда актёр Багам ороллари архипелагидаги Leaf Key номли оролни 3 миллион долларга сотиб олди. Эҳтимол, айнан шу ерда у ўзининг ҳайратомуз коллекциясидан баҳра олаётгандир.
Эдди Мерфи
2007 йилда дунёнинг энг кўп ҳақ тўланадиган актёрларидан бири, дея тан олинган Эдди Мерфи Багамдаги Rooster Key оролини 15 миллион долларга сотиб олган. Ҳозирда Мерфининг бойлиги 85 миллион долларга баҳоланмоқда.
Фейт Ҳилл ва Тим МакГроу
Мусиқачилар Фейт Ҳилл ва Тим МакГроу нафақат оилавий ҳаётда, балки санъатда ҳам бахтга эришди. Эр-хотиннинг умумий капитали 165 миллион долларга баҳоланган, шунинг учун улар 2006 йилда Багам оролларида ўз шахсий оролига эга бўлишда қийинчиликка учрамаган.
Рики Мартин
Livin’La Vida Loca қўшиғи билан бутун дунёга танилган Рики 2008 йилда Бразилиянинг Ангра-дус-Рейс курорти яқинидаги оролнинг эгаси бўлган. Орол 8 миллион долларга сотилган.
Мел Гибсон
Мел Гибсон Фижи архипелагидаги Манго оролини Токио корпорациясидан 9 миллион долларга сотиб олган. Гибсон курортни ривожлантириш ниятида эмас, аксинча оролнинг бор гўзаллигини сақлаб қолмоқчи холос.
Селин Дион
Селин Дион тропик оролни ўз мамлакатида топди. Квебекдаги Il Ganon оролини сотиб олиб, унда ажойиб қаср қурди. Аммо бир мунча вақт ўтгач, уни 29,7 миллион долларга сотди.
Шакира
Энг муваффақиятли бу қўшиқчи аллақачон 220 миллион доллар эгаси бўлишга улгурган. Унинг альбомлари дунё бўйлаб машҳур. Шакира Bonds Key оролини 6 миллион долларга сотиб олган. У негадир курортни ривожлантириш режасини ҳозирга қадар амалга оширмади.
Стивен Спилберг
Стивен Спилберг муваффақиятли кинорежиссёрлардан бири. «Мусофир», «Йўқолган кема рейдлари», «Қўлингдан келса, мени тут» каби фильмларни суратга олган. Спилберг ўзи ва оиласи дам олиши учун Португалиянинг Мадейра архипелагидаги оролни сотиб олган.
Леонардо Ди Каприо
«Титаник», «Қонли олмос», «Омон қолган» каби фильмлар юлдузи Леонардо Blekadaro Key оролига 2,4 миллион доллар тўлаган. Капитали 245 миллион долларга тенг бўлган киши учун бу шунчаки харажатдир. Актёр оролда экологик тоза дам олиш маскани қуришни режалаштирмоқда.
Jay-Z ва Бейонсе
Jay-Z ва Бейонсе кўпинча бир-бирларига ажойиб совғалар улашади. Турмуш ўртоғига Оталар кунида 40 миллион долларга самолёт ва Багам оролларидан 3 миллион долларлик орол сотиб олган.
Ким Кардашьян ва Норт Уэст
Ким Кардашьян ва Норт Уэст – шоу-бизнесдаги энг кўп муҳокама қилинадиган шахслардан бири. 2014 йилда қизи учун Австралиядаги Тошбақа оролини сотиб олган.
Жонни Депп
Жонни Депп Голливуддаги энг таниқли ва кўп даромад топадиган актёрлардан бири. У 400 миллион доллар эвазига иккита орол сотиб олишга қарор қилди. 2004 йилда 3,6 миллион долларга Багам оролларидаги Little Halls Pond Key эгаси бўлган. Оролдаги 6 та пляжга дўстлари ва фарзандлари номи берилган. 2015 йилда Депп Эгей денгизидаги қаровсиз оролни 4,2 миллион еврога сотиб олган.
Мавзуга доир: Таниқли шахсларга тегишли энг қимматбаҳо уйлар (фото)
Изоҳ (0)