Миланнинг «Интер» клуби 2021 йилнинг ёзида «Барселона» ҳужумчиси Лионель Мессини сотиб олмоқчи. Бу ҳақда La Gazzetta dello Sport’га таяниб Marca хабар қилмоқда.
«Интер» раҳбарияти аргентиналик футболчига қиймати 260 миллион евролик тўрт йилга мўлжалланган шартнома таклиф қилмоқчи. Шу тариқа Месси йилига 65 миллион евро маош олиши мумкин.
Аввалроқ Месси 2021 йилда миланликлар сафига ўтиши мумкинлиги борасида хабарлар янграган, «Интер» вакиллари эса мазкур хабарлар ҳақиқатга тўғри келмаслигини айтганди.
«Интер» аргентиналик футболчининг олиб келиниши жамоа имижига қай даражада фойда келтиришини яхши англаб турибди. Леонинг трансфери ҳомийлар ва рекламаларнинг кўпайишига хизмат қилади. Шу сабаб клуб унга катта маош тўлашдан қўрқмаяпти.Мессининг «Барселона» билан амалдаги шартномаси 2021 йилнинг ёзига қадар мўлжалланган. Томонлар ҳозирча янги келишув борасида бирор қарорга келмади.
Жорий мавсум Месси «Барселона» сафида Ла Лигада 33 ўйин ўтказиб, 25 гол ва 23 та голли узатмага муаллифлик қилди. У Примерада 2019/20 йилги мавсумнинг энг яхши тўпурари ва ассистентига айланди.
Лионель Мессининг «Реал» дарвозасига «Камп Ноу»да урган 10 та голи (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)