Футбол бўйича Осиё Чемпионлар Лигасида келаси мавсумдан бошлаб Ўзбекистон клубларига 1+1 квота ажратилади.
Унга кўра, Coca-Cola Суперлигаси чемпиони ОЧЛ баҳсларининг гуруҳ босқичига тўғридан-тўғри йўл олади. Ўзбекистон Кубоги ғолиби эса Чемпионлар Лигасидаги юришини саралаш босқичидан бошлайди.
Шунингдек, узоқ муддатли танаффусдан сўнг келаси мавсумдан эътиборан Ўзбекистон клублари учун ОФК Кубоги гуруҳ босқичида иштирок этиш имконияти тақдим этилади.
Бунда Ўзбекистон кубоги соҳиби ОЧЛ саралашида муваффақиятли иштирок этган тақдирда, Ўзбекистон Суперлигасида 2-ўринни эгаллаган жамоа ОФК Кубогида қатнашади.
Агар Ўзбекистон Кубоги ғолиби ОЧЛ гуруҳ босқичига чиқа олмаса, мазкур жамоа ўз иштирокини ОФК кубоги гуруҳ босқичидан давом эттиради. Ушбу ҳолатда Ўзбекистон Суперлигаси вице-чемпиони ОФК Кубоги мусобақасида иштирок этиш имкониятини йўқотади.
Қайд этиш жоиз, Қаршининг «Насаф» клуби 2011 йили ОФК Кубогида бош совринга эга чиққан.
Одил Аҳмедов ижросидаги топ-10 голни томоша қилинг (видео)
Маълумот учун, ушбу мавсумда ОФК Ўзбекистон клубларига ОЧЛда 1+2 кўринишида ўрин ажратганди. Ҳозирда «Пахтакор» гуруҳ босқичида иштирок этаётган бўлса, «Локомотив» ва «Бунёдкор» клублари саралаш босқичида муваффақиятсизликка учраб, мусобақани тарк этганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)