«Манчестер Юнайтед» ярим ҳимоячиси Жесси Лингард «Ювентус» ҳужумчиси Криштиану Роналду ҳақида фикр билдирди ва уни баскетболчи Майкл Жордан билан таққослади.
«Криштиану Роналду фаолияти давомида жуда кўп нарсага эришди. У кўплаб клубларда бўлган ва бир қатор совринларни қўлга киритган. Менимча, у футболнинг ҳақиқий рамзи, у — футболнинг Майкл Жордани.
Роналду «Манчестер Юнайтед»га биринчи келганида мен 11 ёки 12 ёшда эдим. Биз турли хил элементлар билан машқлар бажарардик, у бизга кўп нарсаларни ўргатган. Ўшанда мен уни биринчи марта кўргандим. Бу ерга келганида у ҳали ёш ва куч-қувватга тўлмаган эди.
Мен унга қарши бир неча бор ўйнаганман. У менга муаммо туғдирдими? Йўқ, ростини айтсам, у унчалик ёмон эмасди. Мавсум олдидан ўтказилган ўйинда, у майдонга тушиб, дарҳол ўз маҳоратини намойиш этганди», — дейди Лингард.
Лингард Англия Премьер Лигасининг 2019/20 йилги мавсумида 22 та ўйинда майдонга тушиб, 1 та гол урди. Аввалроқ унинг мавсумлар оралиғида клубни тарк этиши мумкинлиги ҳақида хабар берилганди.
Роналду эса А Серияда 32 учрашув ўтказиб, 31 та гол ва 6 та голли узатмага муаллифлик қилди.
Криштиану Роналдунинг Ла Лигадаги топ-10 голини эсга оламиз (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)